وزارت خارجہ کا صیہونی حکومت کی ایران کے خلاف فوجی جارحیت پر بیان

وزارت خارجہ کا صیہونی حکومت کی ایران کے خلاف فوجی جارحیت پر بیان

﷽ وزارت خارجہ کا صیہونی حکومت کی ایران کے خلاف فوجی جارحیت پر بیان

﷽

وزارت خارجہ کا صیہونی حکومت کی ایران کے خلاف فوجی جارحیت پر بیان

 

﷽

ایران کی معزز عوام،

میرے ہم وطنوں،

ہمارے پیارے وطن، ایران پر، ایک مجرم اور شیطانی حکومت نے ناحق حملہ کیا ہے۔

غاصب اور باغی صیہونی حکومت نے آج صبح سویرے ایران کی علاقائی سالمیت اور قومی خودمختاری کی خلاف ورزی کرتے ہوئے، تہران اور ہمارے ملک کے کئی دیگر شہروں میں چند رہائشی علاقوں سمیت مختلف مقامات پر حملہ کیا۔ اس حملے میں  وطن کے عزت اور طاقت کے دفاع اور علم و ٹیکنالوجی کے شعبے میں ملک کے سب سے معزز اور محب وطن خادموں کے ساتھ ساتھ دیگر بے گناہ افراد بھی شہید ہوئے۔

وزارت خارجہ صیہونی حکومت کے ناقابل معافی جرم کے دوران وطن پر قربان ہونے والے مدافعین اور خادموں کی شہادت پر رہبر معظم انقلاب اور ایران کے شریف عوام کو مبارکباد اور تعزیت پیش کرتی ہے۔

صیہونی حکومت کے ایران پر حملے اقوام متحدہ کے چارٹر کے آرٹیکل 4 کے پیراگراف 2 کی خلاف ورزی اور اسلامی جمہوریہ ایران کے خلاف کھلی جارحیت ہیں۔ اس جارحیت کا جواب اقوام متحدہ کے چارٹر کے آرٹیکل 51 کے تحت ایران کا قانونی اور جائز حق ہے، اور اسلامی جمہوریہ ایران کی مسلح افواج پوری طاقت کے ساتھ اور اپنی صوابدید کے مطابق ایران کے دفاع میں کوئی ہچکچاہٹ نہیں دکھائیں گی۔

اسلامی جمہوریہ ایران اقوام متحدہ کے بانی رکن کے طور پر، جس کا بنیادی فلسفہ جارحیت، امن کی خلاف ورزی اور امن کو لاحق خطرے کو روکنا ہے، سلامتی کونسل پر زور دیتا ہے کہ وہ صیہونی حکومت کی ایران کے خلاف کھلی جارحیت کے ذریعے بین الاقوامی امن و سلامتی کی خلاف ورزی کا فوری مقابلہ کرنے کے لیے اقدام کرے، اور اس کونسل کے صدر اور اراکین سے مطالبہ کرتا ہے کہ وہ جلد از جلد اس سلسلے میں کارروائی کریں۔

وزارت خارجہ ایران، اقوام متحدہ کے چارٹر کے تحت سیکرٹری جنرل کی ذمہ داریوں کو بھی یاد دلاتی ہے اور اس سلسلے میں ان سے فوری کارروائی کا مطالبہ کرتی ہے۔

اقوام متحدہ کے تمام رکن ممالک، بالخصوص خطے اور اسلامی ممالک، غیر منسلک تحریک کے اراکین، اور تمام حکومتیں جو بین الاقوامی امن و سلامتی کے خواہاں ہیں، سے توقع کی جاتی ہے کہ وہ اس مجرمانہ جارحیت کی فوری مذمت کریں گے اور اس خطرناک مہم جوئی کا مقابلہ کرنے کے لیے فوری اور اجتماعی کارروائی کریں گے، جو بلاشبہ عالمی امن و سلامتی کو غیر معمولی خطرے میں ڈال چکی ہے۔

صیہونی حکومت کی ہمارے پیارے وطن ایران کے خلاف جارحیت کے خطرناک اور وسیع اثرات کی ذمہ داری اس حکومت اور اس کے حامیوں پر ہوگی۔

صیہونی حکومت کی ایران کے خلاف جارحانہ کارروائیاں امریکہ کی ہم آہنگی اور اجازت کے بغیر نہیں ہو سکتیں۔ اس بنا پر امریکی حکومت، جو اس حکومت کی اہم حامی ہے، بھی صیہونی حکومت کی مہم جوئی کے خطرناک اثرات کی ذمہ دار ہوگی۔